اسلام آباد۔4مارچ (اے پی پی):وفاقی وزیر اطلاعات ونشریات چوہدری فواد حسین نے کہا ہے کہ 24 سال بعد پاکستان اور آسٹریلیا کا پہلا ٹاکرا آج (جمعہ کو)راولپنڈی میں ہوگا، بابراعظم اور ٹیم پاکستان آپ کی کامیابی کیلئے دعاگو ہیں۔
وفاقی وزیر نے اپنے ٹویٹ میں آسٹریلیا کی ٹیم کا بھی شکریہ ادا کیا اور کہا کہ آپ نے یہ مارچ ہمارےلئےخوبصورت بنایا۔
انہوں نے کہا کہ پاکستان آپ کیلئے چشم براہ تھا۔ وفاقی وزیر چوہدری فواد حسین نے کہا کہ آسٹریلیا کے ہائی کمیشن کا بھی شکریہ جس نے اس ایونٹ کو ممکن بنانےکیلئے بہت محنت کی۔
