چھٹی چائنا انٹرنیشنل کنزیومر گڈز ایکسپو اختتام پذیر

بیجنگ ۔19اپریل (اے پی پی):چھٹی چائنا انٹرنیشنل کنزیومر گڈز ایکسپو چین کے صوبہ ہائی نان میں اختتام پذیر ہوگئی۔ چینی میڈیا کے مطابق رواں سال ایکسپو میں 60 سے زائد ممالک اور خطوں کے 3,400 برانڈز شامل ہوئے جبکہ 44 ایونٹس میں 277 نئی مصنوعات پہلی بار متعارف کرائی گئیں۔

عالمی سطح پر خریداری اور عالمی سطح پر فروخت کے تھیم پر مبنی اس عالمی تجارتی میلے کے دوران متعدد غیر ملکی کمپنیوں کے ساتھ مکالمہ کیا گیا، جس میں اس بات کا جائزہ لیا گیا کہ وہ چین میں صارفین کے بدلتے رجحانات کے تناظر میں نئے مواقع سے کیسے فائدہ اٹھا رہی ہیں۔