چین۔یورپی یونین تعلقات کو دنیا میں استحکام کا ذریعہ بننا چاہیے ، صدر شی جن پنگ

اسلام آباد۔24جولائی (اے پی پی):چین کے صدر شی جن پنگ کا 25ویں چین۔یورپی یونین سربراہی اجلاس میں خطاب کرتے ہوئے کہاکہ موجودہ پیچیدہ عالمی حالات میں چین اور یورپی یونین دنیا میں استحکام اور ایقان کاضامن ہونا چاہیے ۔ شنہوا کےمطابق انہوں نے کہاکہ چین اور یورپی یونین کو چاہیے کہ وہ دنیا میں زیادہ استحکام اوراعتماد فراہم کریں اور باہمی تعلقات کو پائیدار اور مثبت بنیادوں پر استوار رکھیں۔

انہوں نے یورپی کونسل کے صدر انتونیو کوسٹا اور یورپی کمیشن کی صدر ارسلا فان ڈیر لیین سے ملاقات کے دوران کہاکہ رواں سال چین اور یورپی یونین کے سفارتی تعلقات کی 50ویں سالگرہ اور اقوامِ متحدہ کے قیام کی 80ویں سالگرہ ہے اور اس تناظر میں چین۔یورپی یونین تعلقات ایک اہم تاریخی موڑ پر پہنچ چکے ہیں ۔ انہوں نے گزشتہ پانچ دہائیوں میں ہونے والی کامیاب باہمی تعاون و تبادلوں کا ذکر کرتے ہوئے کہا کہ ان تعلقات سے دونوں فریقوں کو نہ صرف فائدہ پہنچا بلکہ دنیا کو بھی ثمرات حاصل ہوئے۔ انہوں نے زور دیا کہ چین اور یورپی یونین کو ایک دوسرے کا احترام کرنا چاہیے،

اختلافات کے باوجود مل کر کام کرتے ہوئے باہمی مفاد کی بنیاد پر تعاون کو فروغ دینا چاہیے۔انہوں نے کہاکہ موجودہ عالمی تناظر میں ،جو ایک صدی میں پہلی بار اتنی تیزی سے تبدیل ہو رہا ہے ،چین اور یورپی یونین کو قائدانہ بصیرت کا مظاہرہ کرتے ہوئے ایسے اقتصادی فیصلے کرنا ہوں گے ۔

انہوں نے مزید کہا کہ دونوں فریق، جو کہ کثیرالجہتی اور کھلے بین الاقوامی تعاون کے حامی ہیں، کو چاہیے کہ وہ ایک دوسرے سے تعلقات مضبوط کریں، اعتماد بڑھائیں اور گہرے تعاون کو فروغ دیں، تاکہ موجودہ پیچیدہ عالمی حالات میں دنیا کو مزید استحکام اور ایقان فراہم کیا جا سکے۔