چین نے ٹریفک جام کی صورت میں گاڑیوں کے اوپر سے گذر سکنے والے بس متعارف کرا دی

بیجنگ ۔ 26 مئی (اے پی پی) چین نے ٹریفک جام کی صورت میں گاڑیوں کے اوپر سے گذر سکنے والے بس متعارف کرا دی ۔ چینی خبر رساں ادارے کی رپورٹ کے مطابق ماہرین کا کہنا ہے کہ ملک میں ٹریفک کے مسائل کا حل تلاش کیے جانے کی امید سے تیار ہونے والی اس بس کو بیجنگ کی بین الاقوامی اعلی ٹیکنالوجی نمائش میں متعارف کرایا گیا ہے۔بھاری ٹریفک میں گاڑیوں کے اوپر سے گزر سکنے کی شکل میں ڈیزائن کردہ بس کو میٹرو نظام کے نام سے پیش کیا گیا ہے۔پراجیکٹ منیجر بائی زیمنگ کا کہنا ہے کہ شمسی توانائی سے چلنے والی یہ بس ماحول دوست اور کم لاگت کی حامل ہے۔اس بس کو آئندہ سال سڑکوں پر لایا جائے گا۔

Short Link: https://urdu.app.com.pk/urdu/?p=6388