چین کی خدمات کی برآمدات میں 4.7 فیصد اضافہ

بیجنگ۔7اپریل (اے پی پی):چین کی رواں سال کے ابتدائی دو ماہ میں خدمات کی برآمدات میں 4.7 فیصد اضافہ ریکارڈ کیا گیا۔ سی جی ٹی این کے مطابق جاری اعداد و شمار ظاہر کرتے ہیں کہ 2026 کے پہلے دو ماہ کے دوران چین کی خدمات کی مجموعی درآمدات و برآمدات کا حجم 1143.07 ارب یوآن رہا جو سال بہ سال 3.9 فیصد کم ہے۔ اس میں خدمات کی برآمدات 442.49 ارب یوآن رہیں جن میں 4.7 فیصد اضافہ ہوا، جبکہ درآمدات 700.58 ارب یوآن رہیں جو 8.7 فیصد کم ہوئیں۔

خدمات کی تجارت کا خسارہ 258.1 ارب یوآن رہا جو گزشتہ سال کے اسی عرصے کے مقابلے میں 86.52 ارب یوآن کم ہے، یوں خسارے میں نمایاں کمی دیکھی گئی۔اسی طرح، علم پر مبنی خدمات کے شعبے کی درآمدات و برآمدات کا مجموعی حجم 486.27 ارب یوآن رہا، جو کل خدماتی تجارت کا 42.5 فیصد بنتا ہے اور یہ شرح گزشتہ سال کے مقابلے میں 0.3 فیصد پوائنٹس زیادہ ہے۔شعبہ جاتی اعتبار سے سیاحت، دیگر تجارتی خدمات اور نقل و حمل کے شعبے حجم کے لحاظ سے سرفہرست رہے۔