اسلام آباد۔20اکتوبر (اے پی پی):قومی اسمبلی کی قائمہ کمیٹی برائے قومی صحت کا اجلاس چیئرمین رکنِ قومی اسمبلی ڈاکٹر مہیش کمار ملانی کی زیرِ صدارت پارلیمنٹ ہاؤس اسلام آباد کے کمیٹی روم نمبر 7 میں منعقد ہوا۔ اجلاس کا آغاز تلاوتِ قرآنِ پاک سے ہوا۔ چیئرمین نے معزز اراکین کا خیرمقدم کیا اور عوامی صحت اور ریگولیٹری امور پر ان کی مسلسل دلچسپی اور شمولیت کو سراہا۔ کمیٹی نے اپنی …
ڈاکٹر مہیش کمار ملانی کی زیرِ صدارت قومی اسمبلی کی قائمہ کمیٹی برائے قومی صحت کا اجلاس
اسلام آباد۔20اکتوبر (اے پی پی):قومی اسمبلی کی قائمہ کمیٹی برائے قومی صحت کا اجلاس چیئرمین رکنِ قومی اسمبلی ڈاکٹر مہیش کمار ملانی کی زیرِ صدارت پارلیمنٹ ہاؤس اسلام آباد کے کمیٹی روم نمبر 7 میں منعقد ہوا۔ اجلاس کا آغاز تلاوتِ قرآنِ پاک سے ہوا۔ چیئرمین نے معزز اراکین کا خیرمقدم کیا اور عوامی صحت اور ریگولیٹری امور پر ان کی مسلسل دلچسپی اور شمولیت کو سراہا۔ کمیٹی نے اپنی سابقہ سفارشات پر عملدرآمد کا جائزہ لیا، جس میں پاکستان میڈیکل اینڈ ڈینٹل کونسل (PMDC) کے دو ملازمین کی ترقی میں غیرمنصفانہ تاخیر کا معاملہ بھی شامل تھا۔ یہ نوٹ کیا گیا کہ دونوں ملازمین ایف آئی اے اور وزارت کی جانب سے کلیئر ہو چکے ہیں، لہٰذا ان کے معاملات کو مزید تاخیر کے بغیر حتمی شکل دی جانی چاہیے۔ کمیٹی نے نجی میڈیکل اور ڈینٹل کالجز کی جانب سے PMDC کے منظور شدہ فیس ڈھانچے کے سرکلر پر عملدرآمد نہ کرنے پر شدید تشویش کا اظہار کیا۔ اجلاس کو بتایا گیا کہ اگرچہ مقررہ فیس کی حد 18 سے 25 لاکھ روپے سالانہ ہے، کئی ادارے اس سے زائد فیس وصول کر رہے ہیں۔ PMDC نے آگاہ کیا کہ 14کالجز کو خلاف ورزی پر شوکاز نوٹسز جاری کیے جا چکے ہیں، جبکہ مزید تحقیقات جاری ہیں۔
