اسلام آباد۔27جون (اے پی پی):یونان میں کام کرنے والے پاکستانیوں کی ترسیلات زرمیں جاری مالی سال کے پہلے 11 ماہ میں گزشتہ مالی سال کی اسی مدت کے مقابلہ میں 37.4 فیصدکی نموریکارڈکی گئی ہے۔
سٹیٹ بینک کی جانب سے اس حوالہ سے جاری کردہ اعدادوشمارکے مطابق جولائی سے لیکرمئی 2022 کے اختتام تک یونان میں کام کرنے والے پاکستانیوں نے 333.9 ملین ڈالرکازرمبادلہ ملک ارسال کیاجوگزشتہ مالی سال کی اسی مدت کے مقابلہ میں 37.4 فیصدزیادہ ہے،
گزشتہ مالی سال کی اسی مدت میں یونان میں کام کرنے والے پاکستانیوں نے 243 ملین ڈالرکازرمبادلہ ملک ارسال کیاتھا،مئی 2022 میں یونان میں کام کرنے والے پاکستانیوں نے 30.2 ملین ڈالرکازرمبادلہ ملک ارسال کیا جواپریل میں 33.5 ملین ڈالراورگزشتہ سال مئی میں 27.6 ملین ڈالرتھا۔
سٹیٹ بینک کی جانب سے قانونی اوربینکنگ زرائع سے ترسیلات زرکی حوصلہ افزائی کیلئے اقدامات کے نتیجہ میں سمندرپارپاکستانیوں کی ترسیلات زرمیں جاری مالی سال کے پہلے 11 ماہ میں گزشتہ مالی سال کی اسی مدت کے مقابلہ میں 6.3 فیصدکی نموریکارڈکی گئی ہے۔
