اسلام آباد ۔ 22 نومبر (اے پی پی) وزیر خارجہ شاہ محمود قریشی سے جمعرات کو وزارت خارجہ میں وفاقی وزیر برائے دفاعی پیداوار زبیدہ جلال نے ملاقات کی۔ ملاقات کے دوران باہمی دلچسپی کے امور پر تفصیلی تبادلہ خیال کیا گیا۔ ملاقات کے دوران پاکستان کی دفاعی مصنوعات کی نمائش آئیڈیاز 2018ءسمیت اہمیت کے حامل دیگر امور پر گفتگو بھی کی گئی۔ اس موقع پر وزیر خارجہ شاہ محمود قریشی نے کہا کہ دنیا بھر میں پاکستان کی دفاعی مصنوعات کی مانگ میں بھی اضافہ ہو رہا ہے جو خوش آئند ہے۔
