راولپنڈی ۔ 12 مارچ (اے پی پی) پاک فوج کے سربراہ جنرل قمر جاوید باجوہ سے برطانوی سیکرٹری دفاع سٹیفن لوگرویف نے ملاقات کی جس میں دوطرفہ تعاون ،باہمی دلچسپی کے امور اور مجموعی سکیورٹی صورتحال پر تبادلہ خیال کیا گیا ۔پاک فوج کے شعبہ تعلقات عامہ(آئی ایس پی آر) کے مطابق برطانوی سیکرٹری دفاع سٹیفن لوگرویف نے جی ایچ کیو راولپنڈی میں پاک فوج کے سربراہ جنر ل قمر جاوید باجوہ سے ملاقات کی ہے ۔مہمان شخصیت نے علاقائی امن اور استحکام کے لئے پاکستان کی کوششوں کو سراہا ۔
