اسلام آباد ۔ 09جون (اے پی پی) رواں مالی سال 2018-19ءکے ابتدائی دس ماہ (جولائی تا اپریل) کے دوران گوشت اور اس کی منصوعات کی ملکی برآمدات میں 19.81 فیصد اضافہ ہوا ہے۔ ادارہ برائے شماریات پاکستان (پی بی ایس) کے اعداد و شمار کے مطابق جاری مالی سال میں جولائی تا اپریل گوشت اور اس کی مصنوعات کی برآمدات کا حجم 24.7 ارب روپے تک بڑھ گیا جبکہ گزشتہ مالی سال کے اسی عرصہ کے دوران برآمدات کا حجم 20.6 ارب روپے رہا تھا۔ اس طرح گزشتہ مالی سال کے مقابلہ میں رواں مالی سال کے دوران گوشت اور اس کی مصنوعات کی قومی برآمدات میں 4.1 ارب روپے ( 19.81 فیصد ) نمایاں اضافہ ریکارڈ کیا گیا ہے۔
