اسلام آباد ۔ 07نومبر(اے پی پی) وزیر خارجہ مخدوم شاہ محمود قریشی نے کہا کہ پاکستان اور سنگاپور کے مابین باہمی تعاون کو مزید بڑھانے کی ضرورت ہے۔یہ بات انہوں نے جمعرات کو سنگاپور میں پاکستانی ہائی کمیشن کے دورہ کے موقع پر کہی۔سنگاپور میں تعینات پاکستانی ہائی کمشنر رخسانہ افضال اورہائی کمیشن کے سینئر حکام نے وزیر خارجہ کا خیر مقدم کیا۔سنگاپور میں تعینات پاکستانی ہائی کمشنر نے پاکستان …
وزیر خارجہ مخدوم شاہ محمود قریشی کی سنگا پور میں پاکستان کے ہائی کمیشن کے دورہ کے موقع پر گفتگو،
مزید خبریں
اسلام آباد ۔ 07نومبر(اے پی پی) وزیر خارجہ مخدوم شاہ محمود قریشی نے کہا کہ پاکستان اور سنگاپور کے مابین باہمی تعاون کو مزید بڑھانے کی ضرورت ہے۔یہ بات انہوں نے جمعرات کو سنگاپور میں پاکستانی ہائی کمیشن کے دورہ کے موقع پر کہی۔سنگاپور میں تعینات پاکستانی ہائی کمشنر رخسانہ افضال اورہائی کمیشن کے سینئر حکام نے وزیر خارجہ کا خیر مقدم کیا۔سنگاپور میں تعینات پاکستانی ہائی کمشنر نے پاکستان اور سنگاپور پور کے درمیان دو طرفہ تعلقات کی نوعیت اور تجارت کے حجم میں اضافے سمیت، مختلف شعبہ جات میں دو طرفہ تعاون کے فروغ کے حوالے سے وزیر خارجہ کو مفصل بریفنگ دی۔وزیر خارجہ نے پاکستان اور سنگاپور کے مابین دو طرفہ تعلقات کی نوعیت پر اظہار اطمینان کرتے ہوئے کہا کہ پاکستان اور سنگاپور کے مابین باہمی تعاون کو مزید بڑھانے کی ضرورت ہے۔وزیر خارجہ نے کہا کہ ٹیکنالوجی، تعمیرات، صنعت و زراعت سمیت کثیرالجہتی شعبہ جات میں دو طرفہ تعاون کو بڑھانے کیلئے اقدامات کرنا ہوں گے۔انہوں نے ہدایت کی کہ سنگاپور میں مقیم پاکستانیوں کی فلاح و بہبود اور ان کو درپیش مسائل کو ترجیحی بنیادوں پر حل کرنے کیلئے موثر اقدامات کیے جائیں۔
