اسلام آباد۔22جنوری (اے پی پی):چین کا نیا قمری سال اتوار 22 جنوری 2023 کو منایا جا رہا ہے، اس سلسلہ میں پاکستان میں چائنا کلچرل سینٹر نے چینی نئے سال 2023 کی شاندار آن لائن تقریبات کا سلسلہ 15 جنوری 2023 سے شروع کر رکھا ہے جس کا سوشل میڈیا پلیٹ فارم بشمول فیس بک اور وی چیٹ پر جا کر مشاہدہ کیا جا سکتا ہے۔ اتوار کو جاری ایک پریس ریلیز کے مطابق چائنا کلچرل سینٹر پاکستان نے 2023 کے چینی نئے سال کو شاندار طریقے سے منانے کے لیے سرگرمیوں کا سلسلہ شروع کیا ہے۔ 2023 چینی نیا قمری سال اتوار 22 جنوری 2023 کو منایا جا رہا ہے، اور تقریبات کا اختتام 5 فروری 2023 کو لالٹین فیسٹیول کے ساتھ ہوگا ۔چینی نئے سال کو بہار کا تہوار بھی کہا جاتا ہے۔ یہ چینی قوم کے لیے سال کا سب سے اہم تہوار ہے۔
یہ خاندانوں اور دوستوں کے لیے اکٹھے ہونے اور نئے سال کا جشن منانے کا ایک اہم موقع ہے۔ چین میں اس موقع پر اکثرخاندانوں کے افراد اور رشتہ دار پورے ملک سے خصوصی تقریب کے لیے اکٹھے ہونے کے لیے سفر کرتے ہیں۔ چینی لوگ اس تقریب کو ہر ممکن حد تک خاص بنانے کی کوشش کرتے ہیں۔ 2023 چینی نیا سال منانے کے لیے، چائنا کلچرل سینٹر پاکستان اس سال شنگھائی میونسپلٹی کے ساتھ مل کر پاکستان میں شنگھائی کے ثقافتی اور سیاحتی وسائل کو فروغ دے رہا ہے۔ اس پروگرامز کی ایک وسیع رینج، جیسے ثقافتی پرفارمنس، نمائشیں، سیاحت کو فروغ دینے والی دستاویزی فلمیں، اور بہت کچھ شامل کیا جائے گا۔ پاکستان میں چائنا کلچرل سینٹر نے شنگھائی چائنیز آرکسٹرا کے کا میوزیکل کنسرٹ "ہمارا مشترکہ وطن” آن لائن پیش کیا، اور آنے والے دنوں میں "ہیپی چائنیز نیو ایئر – پوجیانگ آرٹس کلیکشن” آن لائن پرفارمنس اور نمائشیں سنٹر فار چائنا شنگھائی انٹرنیشنل آرٹس فیسٹیول کی طرف سے شروع کی جائیں گی اور اسی طرح کی مزید سرگرمیاں پاکستان میں چائنا کلچرل سینٹر کے ساتھ ساتھ پاکستان میں عوامی جمہوریہ چین کے سفارت خانے کے ثقافتی دفتر کے زیر انتظام مختلف سوشل میڈیا پلیٹ فارمز پر شروع کی جائیں گی۔
پاکستان میں چینی سفارتخانے کے ثقافتی دفتر نے 20 جنوری 2023 کی شام اسلام آباد میں معروف ریسٹورنٹ چین مونال کے ساتھ کیک کاٹنے کی تقریب کا اہتمام کیا تاکہ آنے والے جشن کا آغاز کیا جا سکے اور پاکستان میں رہنے والے تمام چینی شہریوں کو دل کی گہرائیوں سے مدعو کیا گیا۔ پاکستان میں چینی سفارتخانے کے کلچرل قونصلر اور پاکستان میں چائنا کلچرل سینٹر کے ڈائریکٹر چانگ خہ چھنگ نے کہا کہ ہیپی چائنیز نیو ایئر، جو کہ وزارت ثقافت و سیاحت کی رہنمائی میں بہار کے تہوار کو منانے کے لیے منعقد کی جانے والی سالانہ سرگرمی ہے۔ حالیہ برسوں میں اور دنیا بھر کے لوگوں کے ساتھ مشترکہ مستقبل کے ساتھ چینی ثقافت اور تصورات کا اشتراک کرنے کے لیے چین کے لیے تیزی سے ایک اہم پلیٹ فارم بنتا جا رہا ہے۔ پاکستان سے دوست ہمارے سوشل میڈیا پلیٹ فارم بشمول فیس بک اور وی چیٹ پر جا کر 2023 ہیپی چائنیز نیو ایئر کے تہوار کا مشاہدہ کر سکتے ہیں۔
