تاشقند تجارتی میلے میں شرکت کے لئے درخواستیں بدھ تک جمع کرائی جاسکتی ہیں،ٹی ڈی اے پی

اسلام آباد۔24اکتوبر (اے پی پی):ازبکستان میں منعقد ہونے والی 3 روزہ بین الاقوامی نمائش’’ٹریڈ ڈیلی گیشن ٹو تاشقند ‘‘میں شرکت کےلئےکل( بدھ تک )درخواستیں جمع کروائی جا سکتی ہیں ۔

ٹریڈ ڈویلپمنٹ اتھارٹی پاکستان (ٹی ڈی اے پی)کی جاری تفصیلات کے مطابق عالمی نمائش 28تا30 نومبر2023 منعقد ہو گی جس میں ٹرانسپورٹ اینڈ لاجسٹکس ، فارماسیوٹیکل ، فوڈ اینڈ ایگرو ، میڈیکل ، ڈینٹل ، آلات جراحی ، انجینئرنگ ، تعمیراتی سامان اور ٹیکسٹائل سے وابستہ خدمات فراہم کرنے والے ادارے اورافراد شرکت کر سکیں گے ۔

نمائش کے حوالے سے مزید تفصیلات اتھارٹی کی ویب سائٹ سے بھی حاصل کی جاسکتی ہیں۔

Short Link: https://urdu.app.com.pk/urdu/?p=404677