الیجینڈرو ٹیبیلو الواریز اور ڈیاگو ہیڈلگو میلورکا اوپن ٹینس مینز ڈبلز کے فائنل میں پہنچ گئے

 میڈرڈ ۔28جون (اے پی پی):چلی کے ٹینس کھلاڑی الیجینڈرو ٹیبیلو الواریز اور ان کے ایکواڈور کے جوڑی دار ڈیاگو ہیڈلگو نے اپنی فتوحا ت کو برقرار رکھتے ہوئے اے ٹی پی میلورکا اوپن ٹینس مینز ڈبلز فائنل میں اپنی جگہ پکی کرلی ۔چلی کے ٹینس کھلاڑی الیجینڈرو ٹیبیلو الواریز اور ان کے ایکواڈور کے جوڑی دار ڈیاگو ہیڈلگو نے مردوں کے ڈبلز مقابلوں کے سیمی فائنل میچ میں ناتھینیل لیمنس اور جیکسن ودرو پر مشتمل ٹاپ سیڈڈ امریکی جوڑی کو شکست دے کر ایونٹ کے فائنل کے لئے کوالیفائی کیا ۔

جمعے کو سپین کے جنوب مغرب کے شہر سانتا پونسا کے گراس کورٹ پر جاری اے ٹی پی ایونٹ میں کھیلے گئے مردوں کے ڈبلز مقابلوں کے پہلے سیمی فائنل میچ میں چلی کے ٹینس کھلاڑی الیجینڈرو ٹیبیلو الواریز اور ان کے ایکواڈور کے جوڑی دار ڈیاگو ہیڈلگو نے عمدہ کارکردگی کا مظاہرہ کرتے ہوئے حریف ناتھینیل لیمنس اور جیکسن ودرو پر مشتمل ٹاپ سیڈڈ امریکی جوڑی کو ٹائی بریک پر سٹریٹ سیٹس میں 6-7(3-7) اور 6-7(5-7) سے شکست دے کر نہ صرف ایونٹ سے باہر کر دیا بلکہ فائنل کے لئے بھی کوالیفائی کرلیا