یو ایس ایڈ پاکستان کو مکئی کے بیجوں کی پیداوار میں خود کفیل بنائے گا، وفاقی سکندر حیات خان بوسن

اسلام آباد ۔ 11 اپریل (اے پی پی) وزیر برائے قومی غذائی سلامتی و تحقیق سکندر حیات خان بوسن نے پاکستانی کاشتکاروں کے ساتھ جدید ٹیکنالوجی و تحقیق کا تبادلہ کرنے پر امریکہ کا شکریہ ادا کرتے ہوئے کہا ہے کہ یو ایس ایڈ پاکستان کو مکئی کے بیجوں کی پیداوار میں خود کفیل بنائے گا۔ پاکستانی ادارے ان بیجوں سے مستفید ہوں گے اور اس بات کو یقینی بنائیں گے کہ یہ بیج کسانوں کو ان کے مقامی سپلائی اسٹور پر دستیاب ہوں۔یہ بات وزیر برائے قومی غذائی سلامتی و تحقیق سکندر حیات خان بوسن اور امریکی ادارہ برائے بین الاقوامی ترقی (یو ایس ایڈ) کی ڈپٹی مشن ڈائریکٹر جولی چین نے مکئی کی پیداوار سے متعلق منگل کو ایک قومی ورکشاپ کا افتتاح کرتے ہوئے کہی۔