وزیر اعلیٰ گلگت بلتستان کا باراتی کوسٹر حادثہ جگہ کا دورہ

استور ،15 نومبر (اے پی پی):وزیر اعلیٰ گلگت بلتستان آج تھلیچی پہنچے جہاں باراتی کوسٹر کو حادثہ پیش آیا تھا۔ اس موقع پر سابق ڈسٹرکٹ چیئرمین و سئینر رہنما پاکستان مسلم لیگ ن حبیب اللہ نے حالیہ کوسٹر حادثہ کے بارے میں تفصیلی بریفننگ دی، اور ایک قرارداد بھی پیش کی۔

قرارداد میں ریسکیو کے عمل کو مزید تیز کرنے کی درخواست ، لواحقین کے لیے مالی امداد کی اپیل، اور تھلیچی کے مقام پر ایک مستقل ریسکیو سیٹ اپ قائم کرنے کی تجویز دی گئی، کیونکہ تھلیچی دیامر اور استور کی مرکزی جگہ ہے۔چیئرمین حبیب اللہ نے کہا کہ مقامی رضاکاروں کے لیے ریسکیو1122 میں ملازمت دی جائے ان رضاکاروں نے اس حادثے میں بے لوث خدمات سر انجام دیئے اس موقع پر وزیر اعلیٰ نے تمام درخواستیں منظور کرتے ہوئے چیئرمین کو یقین دہانی کرائی کہ آخری ڈیڈ باڈی کی ریکور تک ریسکیو آپریشن جاری رہے گا۔

وزیر اعلیٰ نےڈیزاسٹر مینجمنٹ اتھارٹی کو بھی ہدایت دی کہ ریسکیو ٹیموں کے لیے خیمے اور کمبل فراہم کیے جائیں تاکہ ان کی مشکلات میں کمی لائی جا سکے۔ اس موقع پر مقامی لوگوں نے وزیر اعلیٰ کی جانب سے کیے گئے ان اقدامات کو بے حد سراہا۔

آخر میں چیرمین حبیب اللہ نے وزیراعلی گلگت بلتستان کا شکریہ ادا کرتے ہوئے کہا کہ یہ ایک اندوہناک حادثہ تھا، لیکن ضلعی انتظامیہ اور صوبائی حکومت کے اقدامات اور مقامی لوگوں کی تعاون نے اس مشکل وقت کو ہمدردی اور اتحاد میں بدل دیا اور مشال قائم کردی۔