زمبابوے کا پاکستان کے خلاف ون ڈے اور ٹی ٹونٹی سیریز کے لئے سکواڈ کا اعلان

ہرارے۔19نومبر (اے پی پی):زمبابوے کرکٹ بورڈ (زیڈ سی بی) نے پاکستان کے خلاف تین ون ڈے اور تین ٹی ٹونٹی میچوں کی سیریز کے لئے الگ الگ سکواڈ کا اعلان کر دیا۔

زمبابوے کرکٹ بورڈ نے پاکستان کے خلاف 15، 15 رکنی ون ڈے اور ٹی ٹونٹی سکواڈ کا اعلان کیا ہے۔ ون ڈے سکواڈ کی قیادت ارون کریگ کریں گے جبکہ تین ٹی ٹونٹی میچوں کی سیریز کے لئے زمبابوے کی ٹیم کو سکندر رضا لیڈ کریں گے

پاکستان ٹیم آسٹریلیا سے براہ راست زمبابوے پہنچے گی جہاں وہ میزبان زمبابوے کی ٹیم کے خلاف تین ون ڈے اور تین ٹی ٹونٹی میچز کی سیریز کھیلے گی۔

دونوں ٹیموں کے درمیان تین ون ڈے میچوں کی سیریز کا پہلا میچ 24 نومبر ، دوسرا ون ڈے 26 نومبر جبکہ تیسرا اور آخری میچ 28 نومبر کو کھیلا جائے گا۔ ون ڈے سیریز کے تینوں میچز کوئنز سپورٹس کلب، بلاوایو میں کھیلے جائیں گے۔پاکستان کے خلاف زمبابوے کے 15 رکنی ون ڈے سکواڈ میں کریگ ایروائن (کپتان)، فراز اکرم، برائن بینیٹ، جویلورڈ گمبی، ٹریور گوانڈو، کلائیو مڈانڈے، ٹینوٹینڈا ماپوسا، تادیواناشے مارومانی، برینڈن ماوتا، تشنگا موسیکیوا، بلیسنگ مزارابانی، سیچراران، رچرڈان، سیکران اور ڈیوٹی ولیمز شامل ہیں۔دونوں ٹیموں کے درمیان تین ٹی ٹونٹی میچوں کی سیریز کا پہلا میچ یکم دسمبر، دوسرا 3 دسمبر جبکہ تیسرا اور آخری ٹی ٹونٹی میچ 5 دسمبر کو کھیلا جائے گا۔ ٹی ٹونٹی سیریز کے تینوں میچز کوئنز سپورٹس کلب، بلاوایو میں کھیلے جائیں گے۔

گرین شرٹس کے خلاف تین ٹی ٹونٹی میچوں کی سیریز کے لئے 15 رکنی زمبابوے کی ٹیم سکندر رضا (کپتان)، فراز اکرم، برائن بینیٹ، ریان برل، ٹریور گوانڈو، کلائیو مڈاندے، ویزلی مادھویرے، ٹینوٹینڈا ماپوسا، تادیواناشے مارومانی، ویلنگٹن مساکادزا، برینڈن ماوتا، تاشنگا مووتا، مائی چاربنگ، مائیکروسا اور مائیکرز نگروا پر مشتمل ہے۔