سابق کپتان اور مایہ ناز بلے باز یونس خان اپنی 47ویں سالگرہ جمعہ کو منائیں گے

اسلام آباد۔28نومبر (اے پی پی):قومی کرکٹ ٹیم کے عظیم بلے باز اور سابق کپتان یونس خان اپنی 47ویں سالگرہ کل ( جمعہ کو )منائیں گے۔کرکٹر یونس خان29نومبر 1977 کو صوبہ خیبرپختونخوا کے علاقہ مردان میں پیدا ہوئے۔یونس خان کا شمار ان کامیاب کرکٹرز میں ہوتا ہے جنہوں نے پاکستان ٹیم کے تینوں فارمٹس میں کھیلتے اپنی صلاحیتوں کا لوہا منوایا۔

یونس خان 2009 میں ٹی ٹونٹی ورلڈ کپ جیتنے والی ٹیم کے کپتان رہے۔وہ پاکستانی ٹیسٹ کرکٹ کی تاریخ میں سب سے زیادہ سکور بنانے والے بیٹسمین ہیں۔یونس خان ، حنیف محمد اور انضمام الحق کے بعد تیسرے کرکٹر ہیں جنہوں نے ٹرپل سنچری سکور کی۔یونس خان کو 118 ٹیسٹ،265ون ڈے اور 25 ٹی ٹونٹی میچز میں قومی کرکٹ ٹیم کی نمائندگی کا اعزاز حاصل ہے۔