آئی ایل ٹی سیزن 20 سیزن 3 کا 11 جنوری 2025 سے آغاز، شیڈول جاری

دبئی۔28نومبر (اے پی پی):ڈی پی ورلڈ انٹرنیشنل لیگ ٹی 20 سیزن 3 کا آغاز دفاعی چیمپئن ایم آئی ایمریٹس اور دبئی کیپٹلز کے درمیان دبئی انٹرنیشنل سٹیڈیم (ڈی آئی ایس) میں ایک بڑے مقابلے سے ہوگا۔ پہلی گیند ہفتہ 11 جنوری 2025 کو مقامی وقت کے مطابق شام 6 بجے کرائی جائے گئی۔ ابوظبی نائٹ رائیڈرز سیزن 3 کی مہم کا آغاز اتوار 12 جنوری کو ابوظبی کے زید کرکٹ سٹیڈیم میں سیزن 1 کے فائنلسٹ ڈیزرٹ وائپرز کے خلاف ہوم میچ سے کرے گا۔اسی روز شام کے کھیل میں سیزن 1 کی چیمپئن گلف جائنٹس دبئی سٹیڈیم میں اپنے ٹورنامنٹ کے افتتاحی میچ میں شارجہ واریئرز کا مقابلہ کرے گی۔

شارجہ کرکٹ سٹیڈیم میں کھیلے جانے والے 8 میچزمیں سے پہلا میچ جمعہ 17 جنوری کو میزبان شارجہ وارئرز اور دبئی کیپٹلز کے درمیان دلچسپ مقابلہ ہوگا۔ٹورنامنٹ کے پندرہ میچ دبئی انٹرنیشنل سٹیڈیم میں کھیلے جائیں گے۔ ابوظبی کا زید کرکٹ سٹیڈیم 11 میچوں کی میزبانی کرے گا جبکہ شارجہ کرکٹ سٹیڈیم میں سیزن 3 کے 8 میچ کھیلے جائیں گے۔ ایک ماہ تک جاری رہنے والے اس ٹورنامنٹ میں کل 34 میچز کھیلے جائیں گے جو اتوار 9 فروری کو دبئی سٹیڈیم میں فائنل کے ساتھ اختتام پذیر ہوں گے۔