نواب شاہ، محکمہ اسپورٹس کے تعاون سے انڈر 20 یوتھ اسپورٹس فیسٹیول کے پانچویں روز بھی کھیلوں کے شاندار مقابلے

نوابشاہ۔ 29 نومبر (اے پی پی):ضلع انتظامیہ شہید بینظیرآباد کی جانب سے محکمہ اسپورٹس کے تعاون سے ڈسٹرکٹ شہید بینظیرآباد انڈر 20 یوتھ اسپورٹس فیسٹیول کے پانچویں روز بھی کھیلوں کے شاندار مقابلے منعقد ہوئے ۔مقابلوں میں ڈپٹی کمشنر شہید بینظیرآباد شہریار گل میمن، مئیر قاضی محمد رشید بھٹی اور ڈسٹرکٹ اسپورٹس آفیسر عبدالرحیم راجپوت نے شرکت کی۔ اسپورٹس فیسٹیول کے تحت شطرنج بوائز کے مقابلوں میں پیر معراج نے پہلی، حازق زمان نے دوسری اور سولومن نے تیسری پوزیشن حاصل کی جبکہ گرلز کے مقابلوں میں عاصمہ نے پہلی، عریبہ نے دوسری اور طوبیٰ نے تیسری پوزیشن حاصل کی۔

اسی طرح ٹیبل ٹینس بوائز ٹیموں کے مقابلوں میں نواب شاہ گرین نے پہلی، نواب شاہ وائیٹ نے دوسری اور نواب شاہ ییلو کی ٹیم نے تیسری پوزیشن حاصل کی۔ گرلز کی ٹیموں میں نواب شاہ شائنر نے پہلی، نواب شاہ اسٹرائیکر نے دوسری اور نواب شاہ کوئینز نے تیسری پوزیشن حاصل کی۔ تھرو بال گرلز چیمپینشپ کے مقابلوں میں بختاور کیڈٹ کالج نے پہلی، سکرنڈ کی ٹیم نے دوسری اور نواب شاہ کی ٹیم نے تیسری پوزیشن حاصل کی۔ اس کے علاوہ ٹگ آف وار گرلز کے مقابلوں میں بختاور کیڈٹ کالج نے پہلی، گرلز ڈگری کالج نے دوسری پوزیشن حاصل کی۔

رنگ بال گرلز کے مقابلوں میں گرلز کالج سکرنڈ نے پہلی، امداد فائونڈیشن مجید کیریو نے دوسری اور شاہ ولی اللہ اسکول نے تیسری پوزیشن حاصل کی۔ روپ اسکیپنگ کے مقابلوں 30 سیکنڈ فری اسٹائیل میں سیف اللہ نے پہلی، سوئٹ ہوم کے نصر اللہ نے دوسری اور معروف علی نے تیسری پوزیشن حاصل کی ایتھلیٹکس بوائز کی 8 سو میٹر ریس میں سیف اللہ نے پہلی، فراز نے دوسری اور شفاعت علی نے تیسری پوزیشن حاصل کی 15 سو میٹر ریس میں نادر علی نے پہلی، محبت علی نے دوسری اور نبیل اختر نے تیسری پوزیشن حاصل کی ایک سو میٹر ریس میں محمد حارث نے پہلی،

محمد زوہیب نے دوسری اور فراز علی نے تیسری پوزیشن حاصل کی 4 سو میٹر ریس میں سیف اللہ نے پہلی، فراز نے دوسری اور عبدالرحمان نے تیسری پوزیشن حاصل کی لانگ جمپنگ کے مقابلوں میں نادر بلوچ نے پہلی سیف اللہ نے دوسری اور معروف علی نے تیسری پوزیشن حاصل کی۔ اس موقع پر پوزیش حاصل کرنے والے کھلاڑیوں میں ڈپٹی کمشنر شہریار گل میمن،میئرقاضی محمد رشید بھٹی اور ڈسٹرکٹ اسپورٹس آفیسر عبدالرحیم راجپوت نے میڈل اور ٹرافیاں تقسیم کیں۔