سپر سمیش ٹی 20 کپ، کینٹربری نے آکلینڈ کو 41 رنز سے ہرا دیا

کرائسٹ چرچ ۔10جنوری (اے پی پی):سپر سمیش ٹی 20 کپ 25-2024 میں کینٹربری نے آکلینڈ کو 41 رنز سے شکست دے دی،یہ کینٹربری کی سپر سمیش ٹی ٹونٹی کپ میں پہلی فتح ہے۔ جمعہ کو ہیگلے اوول، کرائسٹ چرچ میں کھیلے گئے ٹورنامنٹ کے 11ویں میچ میں کینٹربری کی ٹیم نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 173 رنز بناکرآکلینڈ کو میچ میں کامیابی کے لئے174رنز کا ہدف دیا۔چاڈ بوز نے 59 رنز اور مائیکل ریپن نے ناقابل شکست 44رنز کی دلکش اننگز کھیلی ۔آکلینڈ کے ڈینرو فرنس اور جیک میک کینزی نے عمدہ بائولنگ کا مظاہرہ کرتے ہوئے تین ، تین کھلاڑیوں کو آؤٹ کیا۔جواب میں آکلینڈ کی ٹیم مطلوبہ ہدف حاصل کرنے میں ناکام رہی اور کینٹربری کی جانب سے ملنے والے 174 رنز ہدف تعاقب میں مقررہ 20 اوور زمیں 9 وکٹوں کے نقصان پر 132 رنز بناسکی ۔

آکلینڈ کی ٹیم مائیکل سکینڈرز23 اور کپتان شان سولیا 21 اور مارٹن گپٹل 20 رنز بناسکے۔ کینٹربری کی جانب سے زکری فولکس اور مائیکل را نے 3،3 کھلاڑیوں کو پویلین کی راہ دکھائی۔یوں کینٹربری نے آکلینڈ کو میچ میں 41 رنز سے ہرا دیا۔ یہ کینٹربری کی سپر سمیش ٹی ٹونٹی کپ میں پہلی فتح ہے۔