اسلام آباد۔6فروری (اے پی پی):ملک میں یوریا اور ڈی اے پی کی کھپت میں جنوری کے دوران سالانہ بنیادوں پر کمی ریکارڈ کی گئی ہے۔ انڈسٹری کے اعداد و شمار کے مطابق جنوری میں ملک میں 446000 ٹن یوریا کی کھپت ریکارڈ کی گئی جو گذشتہ سال جنوری کے مقابلہ میں 27 فیصد کم ہے۔
گذشتہ سال جنوری میں ملک میں 613000 ٹن یوریا کی کھپت ریکارڈ کی گئی۔ دسمبر کے مقابلہ میں جنوری میں یوریا کی کھپت میں ماہانہ بنیادوں پر 55 فیصد کا اضافہ ہوا۔ دسمبر میں ملک میں 991000 ٹن یوریا کی کھپت ریکارڈ کی گئی تھی۔ اعداد و شمار کے مطابق جنوری میں ملک میں 63000 ٹن ڈی اے پی کی کھپت ریکارڈ کی گئی جو گذشتہ سال جنوری کے مقابلہ میں 6 فیصد کم ہے۔
گذشتہ سال جنوری میں ملک میں 67000 ٹن ڈی اے پی کی کھپت ریکارڈ کی گئی تھی۔ دسمبر کے مقابلہ میں جنوری میں ڈی اے پی کی کھپت میں ماہانہ بنیادوں پر 54 فیصد کی کمی ہوئی۔ دسمبر میں ملک میں 137000 ٹن ڈی اے پی کی کھپت ریکارڈ کی گئی تھی۔
Short Link: https://urdu.app.com.pk/urdu/?p=556876
