اسلام آباد۔27فروری (اے پی پی):انگلینڈ کی مردوں کی کرکٹ ٹیم کے مایہ ناز فاسٹ بائولر جوفرا آرچر نے ہم وطن سابق فاسٹ بائولر جیمز اینڈرسن کا ون ڈے کرکٹ میں 21 سال پرانا ریکارڈ توڑ دیا۔29 سالہ دائیں ہاتھ کے فاسٹ بائولر جوفرا آرچر نے قذافی سٹیڈیم ،لاہور میں چیمپئنز ٹرافی کے آٹھویں میچ میں افغانستان کے خلاف شاندار کارکردگی کا مظاہرہ کرتے ہوئے نیا ریکارڈ قائم کیا۔
جو فرا آرچر نے افغانستان کی اننگز کے آغاز میں 2 اہم وکٹیں حاصل کیں اور اس کے ساتھ ہی وہ انگلینڈ کے عظیم فاسٹ بائولر جیمز اینڈرسن کا ریکارڈ توڑ کر ون ڈے کرکٹ میں 50 وکٹیں لینے والے انگلینڈ کے تیز ترین بائولر بن گئے۔اس سے قبل جیمز اینڈرسن نے 2004 میں ویسٹ انڈیز کے خلاف 31 میچوں میں یہ سنگ میل عبور کیا تھا، لیکن 29 سالہ جوفرا آرچر نے محض 30 میچوں میں 50 وکٹیں حاصل کر کے یہ کارنامہ انجام دیا۔ون ڈے کرکٹ میں سب سے تیز 50 وکٹیں لینے کا عالمی ریکارڈ سابق سری لنکن سپنر اجنتھا مینڈس کے پاس ہے، جنہوں نے 2009 میں صرف 19 میچوں میں یہ کارنامہ انجام دیا تھا۔
افغانستان کے خلاف گروپ بی کے اس اہم میچ میں انگلینڈ کو 8 رنز سے شکست کا سامنا کرنا پڑا تھا اور اس کے ساتھ وہ انگلینڈ کی ٹیم چیمپئنز ٹرافی سے باہر ہوگیا تھا ۔افغانستان کے خلاف میچ میں جوفرا آرچر نے اپنے 10 اوور کے مکمل سپیل میں 64 رنز دے کر 3 وکٹیں حاصل کی تھی ۔
Short Link: https://urdu.app.com.pk/urdu/?p=566959
