ریاض۔19اپریل (اے پی پی):سعودی عرب کی ٹرانسپورٹ جنرل اتھارٹی (ٹی جی اے)نے پارسل ڈلیوری سروسز کے نئے ضوابط جاری کردیے ہیں۔ نیشنل ایڈریس کے بغیر کوئی پارسل ڈلیوری کے لیے وصول نہیں کیا جائے گا۔اخبار 24 کے مطابق ٹرانسپورٹ جنرل اتھارٹی کا کہنا ہے کہ جاری کیے جانے والے نئے ضوابط کا اطلاع جنوری 2026 سے کیا جائے گا جس پر عمل کرنا ضروری ہوگا۔
ضوابط کے مطابق لاجسٹک سروسز فراہم کرنے والی ٹرانسپورٹ کمپنیوں کو اس بات کا پابند کیا گیا ہے کہ وہ مقررہ تاریخ کے بعد ایسا کوئی بھی پارسل وصول نہ کریں جن پر نیشنل ایڈریس نہ دیا گیا ہو۔اتھارٹی نے کہاکہ ضوابط کا مقصد پارسل ڈلیوری سروس کو بہتر بناتے ہوئے تیز ترین ترسیل کو ممکن بنانا ہے تاکہ صارفین کو کسی قسم کی دشواری کا سامنا نہ کرنا پڑے۔ٹرانسپورٹ جنرل اتھارٹی کا مزید کہنا تھا کہ نیشنل ایڈریس معلوم کرنے کے لیے 4 پلیٹ فارمز پر یہ سہولت فراہم کی گئی ہے جن میں ابشر، توکلنا، صحتی اور سبل شامل ہیں۔
Short Link: https://urdu.app.com.pk/urdu/?p=584377
