وزیراعظم محمد نواز شریف تاجکستان کا دو روزہ دورہ مکمل کرنے کے بعد وطن واپس روانہ ہو گئے

دوشنبے ۔ 06 جولائی (اے پی پی) وزیراعظم محمد نواز شریف تاجکستان کا دو روزہ دورہ مکمل کرنے کے بعد جمعرات کو وطن واپس روانہ ہو گئے۔ تاجک وزیراعظم قاہر رسول زادہ اور دیگر اعلیٰ حکام نے انٹرنیشنل ایئرپورٹ سے وزیراعظم کو رخصت کیا۔ اس موقع پر تاجک گارڈز نے وزیراعظم کو سلامی پیش کی۔ انہیں کاسا 1000، چار ملکی سربراہ اجلاس میں شرکت کیلئے اس دورہ کی تاجک صدر امام علی رحمانوف نے دی تھی۔ وزیراعظم نے دورہ کے دوران کاسا 1000 سربراہ اجلاس افغانستان، پاکستان، تاجکستان سہ فریقی سربراہ اجلاس میں شرکت کے علاوہ تاجک صدر اور وزیراعظم سے الگ الگ ملاقاتیں بھی کیں۔ وزیراعظم کے مشیر برائے خارجہ امور سرتاج عزیز، وفاقی وزراءخواجہ آصف، انجینئر خرم دستگیر بھی ان کے ہمراہ تھے۔