ایشیائی ترقیاتی بنک کے نائب صدر وینشائی ژانگ اے ڈی بی کی 50 ویں سالگرہ کے موقع پر استقبالیہ سے خطاب

اسلام آباد ۔ 07 جولائی (اے پی پی) ایشیائی ترقیاتی بنک کے نائب صدر وینشائی ژانگ نے کہا ہے کہ غربت میں کمی اور عوام کی خوشحالی کیلئے پاکستان کے ساتھ پارٹنر شپ کو توسیع دینے کیلئے پرعزم ہیں، ہم نے مل کر کئی ترقیاتی چیلنجوں پر قابو پایا ہے، گزشتہ 50 سال کے دوران اے ڈی بی نے اہم انفراسٹرکچر کو اپ گریڈ، نجی اور زرعی سیکٹر کی ترقی کو فروغ دیا، پبلک سیکٹر مینجمنٹ اور فنانشل مارکیٹس کو بہتر اور سماجی تحفظ کو تیز کیا ہے۔ یہ بات انہوں نے گزشتہ روز یہاں اے ڈی بی کی 50 ویں سالگرہ کے موقع پر ایک استقبالیہ سے خطاب کرتے ہوئے کہی۔ وفاقی وزیر خزانہ اسحاق ڈار، وفاقی وزرائ، سفارتکار، سینئر سرکاری حکام، اے ڈی بی سٹاف ڈویلپمنٹ کمیونٹی کے نمائندوں نے بھی استقبالیہ میں شرکت کی۔ اس موقع پر پاکستان کے ترقیاتی ایجنڈے کے موضوع پر پینل بحث بھی ہوئی جبکہ اے ڈی بی کی 50 ویں سالگرہ کی مناسبت سے 8 روپے مالیت کے ایک یادگاری ٹکٹ کا بھی افتتاح کیا گیا۔ تقریب کا اہتمام اے ڈی بی پاکستان ریزیڈنس مشن اور اقتصادی امور ڈویژن وزارت خزانہ کے اشتراک سے کیا گیا تھا۔ پینل بحث میں وزیر خزانہ اسحاق ڈار، وینشائی ژانگ، سیکرٹری فناس ڈویژن عابد قیوم سلہری، ایگزیکٹو ڈائریکٹر ایس ڈی پی آئی اور صدر خوشحالی بنک غالب نشتر نے حصہ لیا۔ وزیر خزانہ اسحاق ڈار نے پاکستان کی اہم اقتصادی کامیابیوں اور مستقبل کے اقتصادی پاور ہاﺅس کی حیثیت سے پاکستان کی صلاحیتوں اور اہمیت کو اجاگر کیا۔