اسلام آباد ۔ 08 جولائی (اے پی پی) وزیر اعظم نواز شریف نے تین سال کی مدت کےلئے پاکستان کرکٹ بورڈ کے بورڈ آف گورنرز کےلئے دو ممبران نجم عزیز سیٹھی اور عارف اعجاز کی نامزدگی کی منظوری دیدی جو 6 اگست 2017 سے شروع ہوگی۔نجم عزیز سیٹھی معروف تجزیہ کار اور اس وقت پی سی بی کے بورڈ آف گورنرز کے رکن اورپاکستان سپر لیگ کے چیئرمین بھی ہیں۔قومی …
وزیراعظم نواز شریف نے پی سی بی بورڈ آف گورنرز کےلئے دو ممبران نجم عزیز سیٹھی اور عارف اعجاز کی نامزدگی کی منظوری دیدی
اسلام آباد ۔ 08 جولائی (اے پی پی) وزیر اعظم نواز شریف نے تین سال کی مدت کےلئے پاکستان کرکٹ بورڈ کے بورڈ آف گورنرز کےلئے دو ممبران نجم عزیز سیٹھی اور عارف اعجاز کی نامزدگی کی منظوری دیدی جو 6 اگست 2017 سے شروع ہوگی۔نجم عزیز سیٹھی معروف تجزیہ کار اور اس وقت پی سی بی کے بورڈ آف گورنرز کے رکن اورپاکستان سپر لیگ کے چیئرمین بھی ہیں۔قومی اور بین الاقوامی امور پر انکے متوازن تجزیوں اور رائے کا قومی اور بین الاقوامی میڈیا میں بیحد احترام کیا جاتا ہے۔ چیئر مین پی ایس ایل کی حیثیت سے پاکستان سپر کی کامیابی انکی مرہون منت ہے جس سے نئے کھلاڑیوں کو متعارف کرانے کا موقع ملا اور انہوں نے چیمپئین ٹرافی 2017 سکواڈ میں اہم مقام حاصل کیا۔اعجاز عارف کارپوریٹ سیکٹر کی انتہائی معروف شخصیت ہیں‘ وہ آدم جی انشورنس اور کے ایس بی پمپس انڈسٹریز کے چیف ایگزیکٹیو آفیسر کے علاوہ لاہور سٹاک ایکسچینج ،حبکو،کوہ نور ٹیکسٹائل انڈسٹریز اور لاہور یونیورسٹی آف منیجمنٹ سائنس کے ڈائریکٹر کے عہدوں پر بھی فائز رہے ہیں۔
