لندن۔9جولائی (اے پی پی):سلواڈور کے ٹینس کھلاڑی مارسیلو اریالو گونزالیز اور ان کے کروشین جوڑی دار میٹ پاویک پر مشتمل ایونٹ کی ٹاپ سیڈڈ جوڑی رواں سال کے تیسرے گرینڈ سلام ومبلڈن اوپن ٹینس ٹورنامنٹ کے مردوں کے ڈبلز مقابلوں کے سیمی فائنل میں پہنچ گئی ۔ مارسیلو اریالو گونزالیز اور ان کے کروشین جوڑی دار میٹ پاویک نے مینز ڈبلز کے کوارٹر فائنل میچ میں مناکو کے ٹینس کھلاڑی ہیوگو نیس اور ان کے فرانسیسی جوڑی دار ایڈورڈ راجر ویسلن کو شکست دی ۔
انگلینڈ کے دارالحکومت لندن میں جاری رواں سال کے تیسرے گرینڈ سلام ومبلڈن اوپن ٹینس ٹورنامنٹ میں کانٹے دار مقابلے جاری ہیں جس کے مردوں کے ڈبلز مقابلوں کے کوارٹر فائنل رائونڈ کے میچ میں سلواڈور کے ٹینس کھلاڑی مارسیلو اریالو گونزالیز اور ان کے کروشین جوڑی دار میٹ پاویک پر مشتمل ایونٹ کی ٹاپ سیڈڈ جوڑی نے عمدہ کھیل پیش کرتے ہوئے مناکو کے ٹینس کھلاڑی ہیوگو نیس اور ان کے فرانسیسی جوڑی دار ایڈورڈ راجر ویسلن کو 4-6، 7-6(7-2)اور6-7(5-10)سے نہ صرف شکست دی بلکہ میگا ایونٹ میں اپنی فتوحات کو برقرار رکھتے ہوئے سیمی فائنل رائونڈ کے لئے بھی کوالیفائی کرلیا۔