لندن۔9جولائی (اے پی پی):نیدرلینڈ کے ٹینس کھلاڑی ثام وربیک اور ان کی جمہوریہ چیک کی جوڑی دار کیٹرینا سینیاکووا اپنی عمدہ کارکردگی کی بدولت رواں سال کے تیسرے گرینڈ سلام ومبلڈن اوپن ٹینس ٹورنامنٹ کے مکسڈ ڈبلز مقابلوں کے فائنل میں پہنچ گئے ۔ انہوں نے مکسڈ ڈبلز سیمی فائنل میچ میں کروشیا کے ٹینس کھلاڑی میٹ پاویک اور ان کی ہنگری کی جوڑی دار تیمیا بابوس کو شکست دی۔
انگلینڈ کے دارالحکومت لندن میں جاری رواں سال کے تیسرے گرینڈ سلام ومبلڈن اوپن ٹینس ٹورنامنٹ میں کانٹے دار مقابلے جاری ہیں جس کے مکسڈ ڈبلز مقابلوں کے سیمی فائنل میچ میں نیدرلینڈ کے ٹینس کھلاڑی ثام وربیک اور ان کی جمہوریہ چیک کی جوڑی دار کیٹرینا سینیاکووا نے عمدہ کھیل پیش کرتے ہوئےکروشیا کے ٹینس کھلاڑی میٹ پاویک اور ان کی ہنگری کی جوڑی دار تیمیا بابوس پر مشتمل ایٹتھ سیڈڈ جوڑی کو سٹریٹ سٹس میں 3-6اور 5-7سےشکست دیکر فائنل کے لئے کوالیفائی کرلیا۔
