کچھ عنا صر کو ملک میں جاری تیز رفتار ترقی وخوشحالی ہضم نہیں ہو رہی، وفاقی وزیر دفاعی پیداوار، سا ئنس و ٹیکنالوجی رانا تنویر حسین

لاہور۔9 جولائی (اے پی پی )وفاقی وزیر دفاعی پیداوار، سا ئنس و ٹیکنالوجی رانا تنویر حسین نے کہا ہے کہ ملک میں توانائی کے چھوٹے بڑے منصوبوں پر کام تیزی کے ساتھ جاری ہے، مارچ 2018ءمیں لو ڈ شیڈ نگ ختم ہو جا ئے گی ،کچھ عنا صر کو ملک میں جاری تیز رفتار ترقی وخوشحالی ہضم نہیں ہو رہی ،وزیر اعظم نواز شریف آئے روز میگا پراجیکٹ کا افتتاح کررہے ہیں، حکومت کی مثبت اقتصادی پالیسیوں کی بدولت آج پاکستان تیزی کے ساتھ ترقی کرنے والے ملکوں کی صف میں کھڑا ہے، آنیوالے چند سالوں میں پاکستان کا شمار دنیا کی دس بڑی معیشتوں میں ہو گا، دھرنا گروپ کی ہٹ دھرمی نے ملک وقوم کو بے پناہ نقصان پہنچایا، افراتفری اور انتشار کی سیاست نہ پہلے کامیاب ہو ئی اور نہ آئندہ کا میاب ہو گی، جے آئی ٹی کی رپورٹ قطری شہزادے کے بیان کے بغیر نا مکمل ہو گی اور اسے تسلیم نہیں کیا جا سکتا ،جے آئی ٹی پہلے دن سے ہی متنازعہ ہو گئی، بیرون ممالک گواہی لینے کی کئی مثالیں موجود ہیں، ہم چاہتے ہیں کہ تمام آڈیو ،وڈیوریکارڈنگز عوام کے سامنے پیش کی جا ئیں، وزیر اعظم نواز شریف قانون و آئین کی سربلندی کے لئے جے آئی ٹی کے سامنے پیش ہو ئے، ان خیالات کا اظہار انہوں نے مختلف منصوبوں کے افتتاح کے موقع پر عوامی اجتما عات سے خطاب اور میڈےا سے گفتگو کرتے ہو ئے کیا ۔