دفتر خارجہ کا بھارتی ڈپٹی ہائی کمشنر کو دوبارہ طلب کر کے مسلسل سیز فائر کی خلاف ورزیوں پر سخت احتجاج

دفتر خارجہ کا بھارتی ڈپٹی ہائی کمشنر کو دوبارہ طلب کر کے مسلسل سیز فائر کی خلاف ورزیوں پر سخت احتجاج
زشتہ روز بھارتی فورسز نے چڑی کوٹ اور ستوال سیکٹر میں سیز فائر معاہدے کی خلاف ورزی کرتے ہوئے بلااشتعال فائرنگ کی‘ فائرنگ کے نتیجے میں ایک لڑکی سمیت 3 شہری شہید ہوئے‘ ترجمان دفتر خارجہ

اسلام آباد ۔ 9 جولائی (اے پی پی) مقبوضہ کشمیر میںبھارتی قابض فوج کی جانب سے ایل او سی کی خلاف ورزی سے مزید 3 شہریوں کی شہادت پر اتوارکو دفتر خارجہ نے بھارتی ڈپٹی ہائی کمشنر جے پی سنگھ کو دوبارہ طلب کر کے مسلسل سیز فائر کی خلاف ورزیوں پر سخت احتجاج کیا ۔ترجمان دفتر خارجہ کے مطابق گزشتہ روز بھارتی فورسز نے چڑی کوٹ اور ستوال سیکٹر میں سیز فائر معاہدے کی خلاف ورزی کرتے ہوئے بلااشتعال فائرنگ کرکے شہری آبادی کو نشانہ بنایا جس کے نتیجے میں ایک لڑکی سمیت 3 شہری شہید ہوئے جس پر ڈی جی ساوتھ ایشیا ڈاکٹرفیصل نے بھارتی ڈپٹی ہائی کمشنر جے پی سنگھ کو احتجاجی مراسلہ بھی دیا جس میں کہا گیا کہ شہریوں کو دانستہ طور پر نشانہ بنانا قابل مذمت ہے اور یہ اقدام انسانیت اور انسانی حقوق اور انسانی ہمدردی سے متعلق قوانین کے خلاف ہے۔بھارت پر زور دیا گیا کہ وہ 2003 کے جنگ بندی معاہدے کا احترام کرے اور کنٹرول لائن پر امن برقرار رکھے۔