وزیر خزانہ اسحاق ڈار کی زیر صدارت قومی اقتصادی کونسل کی انتظامی کمیٹی کا اجلاس

وزیر خزانہ اسحاق ڈار کی زیر صدارت قومی اقتصادی کونسل کی انتظامی کمیٹی کا اجلاس
اربوں روپے کی لاگت کے مختلف وفاقی اور صوبائی ترقیاتی منصوبوں کی منظوری،

اسلام آباد ۔ 10جولائی (اے پی پی) قومی اقتصادی کونسل کی انتظامی کمیٹی (ایکنک) نے اربوں روپے کی لاگت کے مختلف وفاقی اور صوبائی ترقیاتی منصوبوں کی منظوری دیدی۔ ایکنک کا اجلاس وفاقی وزیر خزانہ سینیٹر اسحاق ڈار کی زیر صدارت ہوا۔ اجلاس میں کوٹوہائیڈرو پاور پراجیکٹ سے متعلق تجویز کا جائزہ لیتے ہوئے اس کی 13 ارب 99 کروڑ 88 لاکھ روپے کی نظرثانی شدہ لاگت کے ساتھ منظوری دی۔ منصوبے کے تحت 40.8 میگاواٹ کے کوٹو ہائیڈرو پاور سٹیشن کی تعمیر کی جائے گی۔ ایکنک نے پشاور سسٹین ایبل بس ریپڈ ٹرانزٹ کوریڈور پراجیکٹ کی 49 ارب 34 کروڑ 60 لاکھ روپے کی لاگت کی منظوری دی۔ منصوبے میں 25.8 کلو میٹر طویل 2 رویہ سگنل فری بس ریپڈ ٹرانزٹ کوریڈور اور 32 سٹیشنز کی تعمیر شامل ہے۔ ایکنک نے سندھ کیلئے 19 ارب 28 کروڑ 90 لاکھ روپے کی لاگت سے پبلک پرائیویٹ پارٹنر شپ (پروینشل سپورٹ) بڑھانے کی بھی منظوری دی گئی۔ اس منصوبے کا مقصد سرکاری اور نجی شراکت داری سے منصوبوں کی تیاری کیلئے حکومت سندھ کی استعداد کار بڑھانا ہے۔