غزہ کی پٹی میں انسانی بحران وسیع ہو چکا ہے،یونیسیف ڈپٹی ایگزیکٹو ڈائریکٹر ٹیڈ چائبان

اقوام متحدہ ۔2اگست (اے پی پی):یونیسیف کے ڈپٹی ایگزیکٹو ڈائریکٹر ٹیڈ چائبان نے ایک پریس کانفرنس میں کہا کہ غزہ کی پٹی میں تقریباً ایک تہائی آبادی کو   کئی دنوں سے خوراک میسر نہیں ، شدید غذائی قلت کی شرح 16.5 فیصد سے تجاوز کر گئی ہے جبکہ3 لاکھ 20 ہزار سے زائد  شیر خوار اور چھوٹے بچے شدید غذائی قلت کے خطرے سے دوچار ہیں۔

چینی میڈیا کے مطابق ایک سوال کے جواب میں چائبان اور اقوام متحدہ کے سیکرٹری جنرل کے نائب ترجمان نے اسرائیلی وزارت خارجہ کی جانب سے سوشل میڈیا  پر پوسٹ کی جانے والی پروپیگنڈا ویڈیو کو بھی براہِ راست رد کرتے ہوئے کہا کہ اس ویڈیو میں یہ دعویٰ کیا گیا ہے کہ اسرائیل رات دن غزہ والوں کو خوراک، ادویات فراہم کر رہا ہے، بالکل جھوٹ ہے،ویڈیو میں دکھائے گئے بہت زیادہ مناظر کئی سال پرانے ہیں۔حال ہی میں غزہ پٹی کا دورہ کرنے والے چائبان نے کہا کہ غزہ میں انسانی بحران انتہائی گہرا ہو چکا ہے

۔ انہوں نے بین الاقوامی برادری پر زور دیا کہ وہ مکمل طور پر قحط کی صورتحال کے خاتمہ کے لیے فوری کارروائی کرے۔ انہوں نے اسرائیل سے مطالبہ کیا کہ وہ زیادہ سے زیادہ امدادی سامان کی ترسیل کی راہ بھی ہموار کرے۔