میکسیکو میں 5.8 شدت کا زلزلہ

میکسیکو سٹی ۔3اگست (اے پی پی):میکسیکو کے علاقے اوکساکا میں 5.8 شدت زلزلے کے جھٹکے محسوس کئے گئے ۔ شنہوا کے مطابق جرمن تحقیقی ادارہ برائے ارضیاتی سائنسز کے مطابق میکسیکو کے جنوبی علاقے اوکساکا میں زلزلے کے شدید جھٹکے محسوس کیے گئے جن کی شدت ریکٹر اسکیل پر 5.8 ریکارڈ کی گئی۔

ادارے کے مطابق زلزلے کا مرکز 17.54 درجے شمالی عرض البلد اور 95.96 درجے مغربی طول البلد پر تھا، جبکہ اس کی گہرائی زمین میں 10 کلومیٹر تک ریکارڈ کی گئی۔ تاہم کسی جانی یا مالی نقصان کی اطلاع موصول نہیں ہوئی، تاہم مقامی حکام نے زلزلے کے بعد ممکنہ آفٹر شاکس کے پیشِ نظر شہریوں کو محتاط رہنے کی ہدایت جاری کر دی ہے۔