پشاور۔ 19 اکتوبر (اے پی پی):گورنر خیبر پختونخوا فیصل کریم کنڈی نے صحافیوں اور میڈیا ورکرز کی نمائندہ تنظیم ایپنک کے نو منتخب چیئرمین محمد صدیق انظر اور جنرل سیکرٹری صمد مینگل سمیت دیگر کابینہ عہدیداران کو مبارکباد دی ہے۔ اتوار کو اپنے تہنیتی بیان میں گورنر خیبر پختونخوا نے کہا کہ نو منتخب کابینہ کا انتخاب میڈیا برادری کا اُن پر اعتماد کا واضح ثبوت ہے۔ گورنر نے امید …
گورنر خیبر پختونخوا کی ایپنک کے نو منتخب چیئرمین محمد صدیق انظر اور جنرل سیکرٹری صمد مینگل سمیت دیگر کابینہ عہدیداران کو مبارکباد
پشاور۔ 19 اکتوبر (اے پی پی):گورنر خیبر پختونخوا فیصل کریم کنڈی نے صحافیوں اور میڈیا ورکرز کی نمائندہ تنظیم ایپنک کے نو منتخب چیئرمین محمد صدیق انظر اور جنرل سیکرٹری صمد مینگل سمیت دیگر کابینہ عہدیداران کو مبارکباد دی ہے۔ اتوار کو اپنے تہنیتی بیان میں گورنر خیبر پختونخوا نے کہا کہ نو منتخب کابینہ کا انتخاب میڈیا برادری کا اُن پر اعتماد کا واضح ثبوت ہے۔
گورنر نے امید ظاہر کی کہ نئی قیادت صحافیوں کے مسائل کے حل، میڈیا ورکرز کے حقوق کے تحفظ اور مثبت صحافتی روایات کے فروغ کے لیے مؤثر کردار ادا کرے گی۔ انہوں نے ایپنک عہدیداران کو اپنی جانب سے مکمل تعاون کا یقین دلاتے ہوئے کہا کہ صحافیوں کی فلاح و بہبود کے لیے ہر ممکن تعاون جاری رکھیں گے۔
