چین کے صدر کی پال بیا کو کیمرون کا دوبارہ صدر منتخب ہونے پر مبارک باد

بیجنگ۔7نومبر (اے پی پی):چین کے صدر شی جن پنگ نے پال بیا کو کیمرون کا دوبارہ صدر منتخب ہونے پر مبارک باد دی ہے ۔ شنہوا کے مطابق اپنے پیغام میں چین کے صدرنے کہا کہ چین اور کیمرون کے درمیان روایتی دوستی قائم ہے، اور حالیہ برسوں میں دونوں ممالک نے سیاسی باہمی اعتماد کو مضبوط کیا ہے، مختلف شعبوں میں تعاون کے مثبت نتائج حاصل کیے ہیں، اور اپنے اپنے بنیادی مفادات اور اہم معاملات پر ایک دوسرے کی پختہ حمایت کی ہے۔

انہوں نے نشاندہی کی کہ آئندہ سال دونوں ممالک کے درمیان سفارتی تعلقات کے قیام کی 55ویں سالگرہ منائی جائے گی، جو دوطرفہ تعلقات کو مزید آگے بڑھانے کا نیا موقع فراہم کرے گی۔

صدر شی جن پنگ نے اس بات پر زور دیا کہ وہ چین اور کیمرون کے تعلقات کی ترقی کو بہت اہمیت دیتے ہیں اور صدر بیا کے ساتھ مل کر چین۔افریقہ تعاون فورم (FOCAC) کے بیجنگ سربراہی اجلاس کے نتائج کے نفاذ کو ایک موقع کے طور پر استعمال کرنے کے خواہاں ہیں،

تاکہ چین اور کیمرون کی جامع سٹریٹجک شراکت داری کو مزید گہرا کیا جائے اور دونوں ممالک کے عوام کو زیادہ فائدہ پہنچایا جا سکے۔