وزیراعظم شاہد خاقان عباسی کا ساہیوال ڈویژن سے تعلق رکھنے والے مسلم لیگ (ن) کے ارکان قومی اسمبلی سے ملاقات میں اظہار خیال

حکومت عوام کی سماجی و اقتصادی ترقی کے لئے ہر ممکنہ کاوش بروئے کار لا رہی ہے، ارکان پارلیمان اپنے حلقوں میں جاری ترقیاتی منصوبوں کی بروقت تکمیل کو یقینی بنائیں،
وزیراعظم شاہد خاقان عباسی کا ساہیوال ڈویژن سے تعلق رکھنے والے مسلم لیگ (ن) کے ارکان قومی اسمبلی سے ملاقات میں اظہار خیال

اسلام آباد ۔ 11 ستمبر (اے پی پی) وزیراعظم شاہد خاقان عباسی نے کہاہے کہ حکومت ملک کے عوام کی سماجی و اقتصادی ترقی کے لئے ہر ممکنہ کاوش بروئے کار لارہی ہے ، ارکان پارلیمان اپنے حلقوں میں جاری ترقیاتی منصوبوں کی بروقت تکمیل کو یقینی بنائیں۔ انہوںنے یہ بات ساہیوال ڈویژن سے تعلق رکھنے والے مسلم لیگ (ن) کے ارکان قومی اسمبلی سے گفتگو کرتے ہوئے کہی جنہوںنے پیر کووزیر اعظم آفس میںان سے ملاقات کی اور اپنے اپنے حلقوں میں ترقیاتی منصوبوں اور دیگر امور کے بارے میں تبادلہ خیال کیا۔ وزیر اعظم نے منتخب نمائندوں پر زور دیاکہ وہ عوام سے قریبی رابطہ استوار رکھتے ہوئے ان کے مسائل کو اجاگر اور حل کرنے کے لئے اپنا کردار ادا کریں ۔ وزیر اعظم سے ملاقات کرنے والے ارکان قومی اسمبلی میں ندیم عباس ربیرا ، چوہدری ریاض الحق، سید محمد عاشق حسین شاہ، راﺅ محمد اجمل خان، محمدمعین وٹو، سید عمران احمدشاہ ، چوہدری محمداشرف، چوہدری محمد طفیل ،چوہدری محمد منیر اظہر ، سردار منصب علی ڈوگر، سید محمد اطہر حسین شاہ جیلانی اور رانا زاہد حسین شامل تھے۔ ملاقات میں وزیر پارلیمانی امور شیخ آفتاب بھی موجود تھے۔