اسلام آباد۔10جنوری (اے پی پی):وفاقی وزیر داخلہ محسن نقوی نے خیبر پختونخوا (کے پی کے) میں خوارج عسکریت پسند عناصر کے خلاف دو کامیاب آپریشن کرنے پر سکیورٹی فورسز کو خراج تحسین پیش کیا ہے، آپریشنز کے نتیجے میں 11 خوارج جہنم واصل کر دیے گئے۔ ہفتے کو جاری بیان میں محسن نقوی نے سکیورٹی فورسز کی پیشہ ورانہ مہارت اور تیز رفتار کارروائی کی تعریف کرتے ہوئے کہا کہ …
وزیر داخلہ محسن نقوی کا خیبر پختونخوا میں عسکریت پسندوں کے خلاف کامیاب کارروائیوں پر سکیورٹی فورسز کو خراج تحسین
اسلام آباد۔10جنوری (اے پی پی):وفاقی وزیر داخلہ محسن نقوی نے خیبر پختونخوا (کے پی کے) میں خوارج عسکریت پسند عناصر کے خلاف دو کامیاب آپریشن کرنے پر سکیورٹی فورسز کو خراج تحسین پیش کیا ہے، آپریشنز کے نتیجے میں 11 خوارج جہنم واصل کر دیے گئے۔ ہفتے کو جاری بیان میں محسن نقوی نے سکیورٹی فورسز کی پیشہ ورانہ مہارت اور تیز رفتار کارروائی کی تعریف کرتے ہوئے کہا کہ انہوں نے خوارج کے مذموم عزائم کو ناکام بنا دیا اور خطے میں امن کی حفاظت کی۔
انہوں نے کہا کہ بروقت اور موثر کارروائیاں عسکریت پسندوں کے خطرات کو ختم کرنے کے لیے فورسز کے غیر متزلزل عزم کو ظاہر کرتی ہیں۔ وفاقی وزیر نے کہا کہ خوارج کے خاتمے کے لیے ہم سکیورٹی فورسز کو ان کی کامیاب کارروائیوں پر سلام پیش کرتے ہیں اور خیبر پختونخوا سے اس لعنت کو جڑ سے اکھاڑ پھینکنے کے لیے پرعزم ہیں۔محسن نقوی نے اس بات کا اعادہ کیا کہ عسکریت پسند عناصر کو صوبے میں چھپنے کی کوئی جگہ نہیں ملے گی، قوم کی مسلسل حمایت سے ایسے انتہا پسندوں کا مکمل خاتمہ ممکن ہو گا۔انہوں نے انسداد دہشت گردی کی کوششوں کو مضبوط بنانے اور ملک بھر میں دیرپا امن کو یقینی بنانے کے لیے حکومت کے عزم کا اعادہ بھی کیا۔
