اسلام آباد ۔ 12 ستمبر (اے پی پی) اقوام متحدہ کی انسانی حقوق کونسل نے میانمار پرزوردیاہے کہ وہ روہنگیامسلمانوں کیخلاف ظالمانہ فوجی کارروائیاں بند کرے۔جنیوا میں اقوام متحدہ کی انسانی حقوق کونسل کے اجلاس میں ہائیکمشنر زیدرعدالحسین نے میانمار میں سیکیورٹی فورسز کی کارروائیوں کونسل کشی قراردیا۔ اجلاس میں اسلامی تعاون تنظیم ( او آئی سی) کی نمائندگی کرتے ہوئے اقوام متحدہ میں پاکستان کے مستقل مندوب فرخ عامل …
اقوام متحدہ میں پاکستان کے مستقل مندوب فرخ عامل کا انسانی حقوق کونسل میں او آئی سی کی طرف سے بیان
اسلام آباد ۔ 12 ستمبر (اے پی پی) اقوام متحدہ کی انسانی حقوق کونسل نے میانمار پرزوردیاہے کہ وہ روہنگیامسلمانوں کیخلاف ظالمانہ فوجی کارروائیاں بند کرے۔جنیوا میں اقوام متحدہ کی انسانی حقوق کونسل کے اجلاس میں ہائیکمشنر زیدرعدالحسین نے میانمار میں سیکیورٹی فورسز کی کارروائیوں کونسل کشی قراردیا۔ اجلاس میں اسلامی تعاون تنظیم ( او آئی سی) کی نمائندگی کرتے ہوئے اقوام متحدہ میں پاکستان کے مستقل مندوب فرخ عامل نے روہنگیا مسلمانوں پر ڈھائے جانے والے مظالم پر تشویش کا اظہار کرتے ہوئے کہا کہ روہنگیا مسلمانوں کی نسل کشی کسی صورت قابل قبول نہیں ہے ۔ انہوں نے کہا کہ میانمر کے ریاستی اداروں کو روہنگیا مسلمانوں پر وحشیانہ مظالم کے باعث انسانی حقوق کی بدترین صورتحال پیدا ہو چکی ہے۔ انہوں نے کہا کہ روہنگیا مسلمانوں کے بڑے پیمانے پر قتل عام ، خواتین کی بے حرمتی، گھروں کو جلانے جیسے واقعات انسانیت کے خلاف جرائم کے زمرے میں آتے ہیں۔انہوں نے کہا کہ اقوام متحدہ کے فیکٹ فائنڈنگ مشن کو بھی میانمر حکومت کی طرف سے متاثرہ علاقوں تک رسائی نہیں دی جارہی۔ انہوں نے کہا کہ او آئی سی مطالبہ کرتی ہے کہ میانمر کی حکومت روہنگیا مسلمانوں کے خلاف ہر قسم کے مظالم کو روکنے اور صورتحال کو بہتر بنانے کےلئے فوری طور پر اقدامات کرے۔
