وزیر خارجہ محمد آصف کا ترکی کا دورہ،ترکی کے صدر،وزیراعظم اور وزیر خارجہ سے ملاقاتیں

وزیر خارجہ محمد آصف کا ترکی کا دورہ،ترکی کے صدر،وزیراعظم اور وزیر خارجہ سے ملاقاتیں،دو طرفہ تعلقات کو مزید مضبوط بنانے، علاقائی امن اور سیکورٹی سمیت مختلف امور پر تبادلہ خیال

اسلام آباد ۔ 12 ستمبر (اے پی پی) ترکی کے صدر رجب طیب اردوان اور وزیر خارجہ خواجہ محمد آصف نے اس بات پر زور دیا ہے کہ افغانستان میں پائیدار امن خطے میں استحکام کے لئے اہم ہے، پاکستان اور ترکی افغانستان میں امن اور استحکام کے لئے مل کر کام کریں گے۔ دفتر خارجہ کے مطابق، وزیر خارجہ نے منگل کو انقرہ کے ایک روزہ دورے کے دوران ترکی کے صدر، وزیر اعظم بن علی یلدرم اور وزیر خارجہ مولوٹ کیوسوولو کے ساتھ پاکستان اور ترکی کے درمیان تعلقات کو مزید مضبوط بنانے اور علاقائی امن، سیکورٹی اور رابطوں پر باہمی تعاون کے بارے میں تعاون کو فروغ دینے پر تبادلہ خیال کیا گیا۔ ترکی کے صدر سے ملاقات کے موقع پر خواجہ آصف نے دونوں ممالک کے درمیان سیاسی، اقتصادی، دفاع اور لوگوں کے تعلقات کے ذریعے اسٹریٹجک شراکت داری کو مزید مضبوط بنانے کیلئے پاکستان کی خواہش کو دہرایا۔ صدر طیب اردوان نے دونوں ممالک کے درمیان برادر تعلقات کو وسیع پیمانے پر وسعت دینے کے ترکی کے عزم کا اعادہ کیا۔ انہوں نے دونوں ملکوں کے درمیان باقاعدگی سے اعلیٰ درجے کے تبادلوں کو برقرار رکھنے اور افغانستان میں امن اور استحکام کے لئے مل کر کام جاری رکھے پر اتفاق کیا۔ قبل ازیں، وزیر خارجہ خواجہ آصف نے ترکی کے وزیر اعظم بن علی یلدرم سے بھی ملاقات کی۔ ملاقات میں دو طرفہ تعلقات پر تبادلہ خیال کرتے ہوئے، دونوں رہنماوں نے اسٹریٹجک شراکت داری کو مضبوط بنانے میں قابل ذکر پیش رفت پر اطمینان کا اظہار کیا۔