ٹومی پال کی پیش قدمی جاری،ب

برسبین۔15جنوری (اے پی پی):امریکا کے ٹینس سٹار اور ایونٹ کے سیکنڈ سیڈڈ ٹومی پال اے ٹی پی برسبین انٹرنیشنل ٹینس ٹورنامنٹ میں مردوں کے سنگلز مقابلوں کے سیمی فائنل میں پہنچ گئے ۔ سپورٹس ویب سائٹ کے مطابق 28 سالہ امریکی کھلاڑی ٹومی پال نے مینز سنگلز مقابلوں کے کوارٹر فائنل رائونڈ میچ میں حریف آسٹریلوی کھلاڑی الیگزینڈر ووکیک کو شکست دے کر اگلے مرحلے کے لئے کوالیفائی کرلیا۔ رواں سال کا پہلا اے ٹی پی برسبین انٹرنیشنل ٹینس ٹورنامنٹ آسٹریلیا کے مشہور شہر برسبین میں شروع ہوچکا ہے

جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں ۔ جمعرات کو کھیلے گئے مردوں کے سنگلز مقابلوں کے کوارٹر فائنل رائونڈ میچ میں امریکا کے ٹینس سٹار اور ایونٹ کے سیکنڈ سیڈڈ ٹومی پال نے شاندار کارکردگی کا مظاہرہ کرتے ہوئے حریف آسٹریلوی کھلاڑی الیگزینڈر ووکیک کو سٹریٹ سیٹس میں 3-6 اور 2-6سے ہرا کر ٹورنامنٹ کے سیمی فائنل کے لئے کوالیفائی کرلیا۔