انگلینڈ اور ویسٹ انڈیز کے مابین ون ڈے سیریز کا پانچواں اور آخری میچ (آج) کھیلا جائیگا
انگلینڈ کو سیریز میں 3-0 کی فیصلہ کن برتری حاصل
ساﺅتھمپٹن ۔ 28 ستمبر (اے پی پی) انگلینڈ اور ویسٹ انڈیز کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا پانچواں اور آخری میچ (آج) جمعہ کو ساﺅتھمپٹن میں کھیلا جائیگا۔ میزبان ٹیم کو پانچ میچوں کی سیریز میں ویسٹ انڈیز کے خلاف 3-0 کی فیصلہ کن برتری حاصل ہے، انگلینڈ نے پہلے میچ میں ویسٹ انڈیز کی ٹیم کو 7 وکٹوں سے شکست دی تھی، دونوں ٹیموں کے درمیان سیریز کا دوسرا میچ بغیر کسی نتیجہ کے ختم ہوگیا، انگلینڈ نے تیسرے میچ میں ویسٹ انڈیز کو 124 رنز سے شکست دی جبکہ میزبان ٹیم نے ویسٹ انڈیز ٹیم کو چوتھے ون ڈے میچ میں 6 رنز سے شکست دیکر ون ڈے سیریز میں 3-0 کی فیصلہ کن برتری حاصل کرلی ہے۔ دونوں ٹیموں کے درمیان ون ڈے سیریز کا پانچواں اور آخری ون ڈے 29 ستمبر کو ساﺅتھمپٹن میں کھیلا جائے گا۔
Short Link: https://urdu.app.com.pk/urdu/?p=71472
