آئی سی سی ٹی ٹوئنٹی ورلڈ کپ 2026 کے سلسلے میں اتوار 22 فروری کو ابلاغی سرگرمیوں کا شیڈول جاری کر دیا گیا

کولمبو۔21فروری (اے پی پی):آئی سی سی ٹی ٹوئنٹی ورلڈ کپ 2026 کے سلسلے میں اتوار 22 فروری کو ابلاغی سرگرمیوں کا شیڈول جاری کر دیا گیا ہے۔کینڈی میں سری لنکا اور انگلینڈ کے درمیان گروپ دو کے سپر آٹھ مرحلے کا مقابلہ پالی کیلے بین الاقوامی کرکٹ اسٹیڈیم میں مقامی وقت کے مطابق سہ پہر تین بجے کھیلا جائے گا۔ میچ کے اختتام کے تقریباً پندرہ منٹ بعد دونوں ٹیمیں صحافیوں سے گفتگو کریں گی۔ روایت کے مطابق پہلے شکست کھانے والی ٹیم اور اس کے بعد کامیاب ٹیم کے کھلاڑی اور نمائندے اظہارِ خیال کریں گے۔

احمد آباد میں بھارت اور جنوبی افریقہ کے درمیان گروپ ون کے سپر ایٹ مرحلے کا اہم مقابلہ نریندر مودی اسٹیڈیم میں مقامی وقت کے مطابق شام سات بجے شروع ہوگا۔ میچ کے اختتام کے تقریباً پندرہ منٹ بعد دونوں ٹیموں کی جانب سے صحافیوں سے بات چیت کی جائے گی، جس میں پہلے ناکام ٹیم اور اس کے بعد کامیاب ٹیم شرکت کرے گی۔ممبئی میں زمبابوے اور ویسٹ انڈیز کے درمیان گروپ ون کا سپر ایٹ مرحلے کا مقابلہ پیر کو وانکھیڈے اسٹیڈیم میں شام سات بجے کھیلا جائے گا۔

اتوار کو ویسٹ انڈیز کی ٹیم دوپہر دو بجے اسی میدان میں تربیتی مشق کرے گی جبکہ ایک بج کر 45منٹ پر صحافتی ہال میں صحافیوں سے گفتگو کرے گی۔ زمبابوے کی ٹیم شام چھ بجے تربیتی سیشن میں حصہ لے گی اور پانچ بج کر 45منٹ پر صحافیوں سے بات چیت کرے گی۔تمام صحافتی نشستیں مقابلوں کے اختتام یا طے شدہ اوقات کے مطابق منعقد ہوں گی جہاں ٹیموں کے نمائندے صحافیوں کے سوالات کے جواب دیں گے۔