سپیکر قومی اسمبلی سردار ایاز صادق نے لکی مروت میں پولیس گاڑی کے قریب دھماکہ کی شدید الفاظ میں مذمت کی ہے۔یہاں جاری بیان کے مطابق سپیکر قومی اسمبلی سردار ایاز صادق نے دھماکہ میں جامِ شہادت نوش کرنے والے ایس ایچ او سمیت 6 پولیس اہلکاروں کو خراجِ عقیدت پیش کیا۔
سپیکر قومی اسمبلی سردار ایاز صادق کی لکی مروت میں پولیس گاڑی کے قریب دھماکہ کی مذمت
اسلام آباد۔13مارچ (اے پی پی):سپیکر قومی اسمبلی سردار ایاز صادق نے لکی مروت میں پولیس گاڑی کے قریب دھماکہ کی شدید الفاظ میں مذمت کی ہے۔یہاں جاری بیان کے مطابق سپیکر قومی اسمبلی سردار ایاز صادق نے دھماکہ میں جامِ شہادت نوش کرنے والے ایس ایچ او سمیت 6 پولیس اہلکاروں کو خراجِ عقیدت پیش کیا۔سپیکر قومی اسمبلی سردار ایاز صادق نےشہداء کے اہلِخانہ سے دلی ہمدردی اور تعزیت کا اظہارکیا ہے اور کہا کہ شہداء کے اہلخانہ کے غم اور دکھ میں برابر کے شریک ہیں۔
بیان کے مطابق سپیکر سردار ایاز صادق نے کہا کہ خیبر پختونخوا پولیس کے بہادر افسران اور جوان دہشت گری کے خلاف جنگ میں صفِ اول کا کردار ادا کر رہے ہیں،دہشت گردی کے خلاف جنگ میں خیبر پختونخوا پولیس کے افسران اور جوانوں کی قربانیوں کو ہمیشہ یاد رکھا جائے گا۔سپیکر سردار ایاز صادق نے کہا کہ شہداء کی قربانیاں رائیگاں نہیں جائیں گی،دہشت گردی کے خلاف جنگ میں جام شہادت نوش کرنے والے بہادر سپوتوں کو پوری قوم سلام پیش کرتی ہے۔
سپیکر قومی اسمبلی نے کہا کہ ملک سے دہشت گردی کے مکمل خاتمے کے لئے پوری قوم اپنی سکیورٹی فورسز اور پولیس کے ساتھ کھڑی ہے۔سپیکر سردار ایاز صادق نے شہداء کے درجات کی بلندی اور لواحقین کے لئے صبرِ جمیل کی بھی دعا کی۔
