More

Social Media

Social Media

محمدنہال ہاشمی نے سندھ کے 35ویں گورنر کی حیثیت سے حلف اٹھا لیا

سندھ گورنرہائوس میں منعقدہ حلف برداری کی سادہ و پروقار تقریب میں سینیٹرمحمد نہال ہاشمی نے سندھ کے 35ویں گورنر کے طور پر حلف اٹھالیا۔

Muhammad Nihal Hashmi

مزید خبریں

کراچی۔ 13 مارچ (اے پی پی):سندھ گورنرہائوس میں منعقدہ حلف برداری کی سادہ و پروقار تقریب میں سینیٹرمحمد نہال ہاشمی نے سندھ کے 35ویں گورنر کے طور پر حلف اٹھالیا۔جمعہ کو گورنر ہائوس سے جاری اعلامیہ کے مطابق چیف جسٹس سندھ ہائی کورٹ ظفر احمد راجپوت نے سینیٹر نہال ہاشمی سے گورنر سندھ کے عہدہ کا حلف لیا۔تقریب میں وزیر اعلیٰ سندھ سید مراد علی شاہ ، صوبائی و قومی اسمبلی کے اراکین، آئی جی پولیس سندھ سمیت دیگرافسران نے شرکت کی جبکہ چیف سیکرٹری سندھ سید آصف حیدر شاہ نے نظامت کے فرائض انجام دئے۔ تقریب میں موجود معززین نے عہدہ سنبھالنے پر محمدنہال ہاشمی کو مبارکباددی۔

مزید خبریں
نائب وزیراعظم
پاکستان کو سخاوت، رضاکارانہ خدمات اور معاشرتی خدمت کی اپنی دیرینہ روایات پر فخر ہے، نائب وزیراعظم اسحاق ڈار کا انسانی ہمدردی کے عالمی دن کے موقع پر پیغام اسلام آباد۔19اگست (اے پی پی):نائب وزیراعظم اور وزیر خارجہ سینیٹر محمد اسحاق ڈار نے کہا ہے کہ عالمی یومِ انسانی ہمدردی کے موقع پر پاکستان عالمی برادری کے ساتھ مل کر ان تمام انسانی خدمت گاروں اور رضاکاروں کو خراجِ تحسین پیش کرتا ہے جو ضرورت کے وقت لوگوں کی مدد کے لیے خود کو وقف کردیتے ہیں۔ بدھ کو دفتر خارجہ کے مطابق انسانی ہمدردی کے عالمی دن کے موقع پر اپنے پیغام میں انہوں نے کہا کہ یہ دن ہمیں ہمدردی، خدمت اور آفات و دیگر ہنگامی حالات سے متاثرہ افراد کے ساتھ کھڑے ہونے کی اہمیت کی یاد دلاتا ہے۔ نائب وزیراعظم نے کہا کہ یہ اس عزم کی تجدید کا موقع بھی ہے کہ ہم اجتماعی طور پر کمزور اور متاثرہ طبقات کی مدد اور انسانیت کی خدمت کے لیے اپنا کردار ادا کرتے رہیں۔ انہوں نے کہا کہ پاکستان کو سخاوت، رضاکارانہ خدمات اور معاشرتی خدمت کی اپنی دیرینہ روایت پر فخر ہے، یہ اقدار ہمارے معاشرے میں گہری جڑیں رکھتی ہیں اور مشکلات کے وقت ہمیشہ ہمارے لوگوں کو متحد کرنے کا باعث بنی ہیں۔ سینیٹر محمد اسحاق ڈار نے کہا کہ موسمیاتی تبدیلی کے نتیجے میں آنے والی آفات کے حوالے سے ہمارے تجربے نے بارہا پاکستانی عوام کی استقامت، یکجہتی اور جذبۂ تعاون کو ثابت کیا ہے، شہریوں نے وفاقی اور صوبائی اداروں کے ساتھ مل کر متاثرہ آبادیوں کی مدد، امداد اور بحالی کی کوششوں میں بھرپور کردار ادا کیا ہے۔ انہوں نے کہا کہ اس موقع پر میں انسانی خدمت کے لیے سرگرم تمام افراد کو خراجِ تحسین پیش کرتا ہوں اور ہمدردی، یکجہتی اور انسانیت کی خدمت کے اصولوں سے پاکستان کے عزم کا اعادہ کرتا ہوں