اسلام آباد۔3اپریل (اے پی پی):انسپکٹر جنرل موٹروے پولیس سلطان احمد چوہدری شہید انسپکٹر یاسر عرفات کے گھر دو پتھر ایبٹ آباد گئے اور شہید انسپکٹر کے اہلخانہ سے تعزیت اور دلی ہمدردی کا اظہار کیا۔ ترجمان نیشنل ہائی ویز اینڈ موٹروے پولیس کے مطابق انہوں نے شہید کے درجات کی بلندی کے لئے خصوصی دعا کی۔ آئی جی نے کہا کہ شہید انسپکٹر یاسر عرفات کی قربانی ہمیشہ یاد رہے …
انسپکٹر جنرل موٹروے پولیس سلطان احمد چوہدری شہید انسپکٹر یاسر عرفات کے گھر دو پتھر، آمد، اہلخانہ سے اظہار تعزیت کیا
اسلام آباد۔3اپریل (اے پی پی):انسپکٹر جنرل موٹروے پولیس سلطان احمد چوہدری شہید انسپکٹر یاسر عرفات کے گھر دو پتھر ایبٹ آباد گئے اور شہید انسپکٹر کے اہلخانہ سے تعزیت اور دلی ہمدردی کا اظہار کیا۔ ترجمان نیشنل ہائی ویز اینڈ موٹروے پولیس کے مطابق انہوں نے شہید کے درجات کی بلندی کے لئے خصوصی دعا کی۔ آئی جی نے کہا کہ شہید انسپکٹر یاسر عرفات کی قربانی ہمیشہ یاد رہے گی، یاسر عرفات کی شہادت موٹروے پولیس کیلئے ناقابلِ تلافی نقصان ہے۔
سلطان احمد چوہدری نے شہید کی لازوال قربانی کو خراجِ تحسین اور شہید کی عظمت کو سلام پیش کرتے ہوئے کہا کہ اہلِ خانہ کے ساتھ ہر ممکن تعاون یقینی بنایا جائے گا اور انہیں تنہا نہیں چھوڑا جائے گا، نیشنل ہائی ویز اینڈ موٹروے پولیس ہر قدم پر اہلِ خانہ کے ساتھ کھڑی ہے، شہداء ہمارے محکمے کے طرہ امتیاز اور فخر ہیں۔
