ایسٹر تہوار کی مناسبت سے ستھرا پنجاب ٹیموں کے شہر بھر میں صفائی انتظامات جاری

لاہور۔3اپریل (اے پی پی):مسیحی برادری کے تہوار ایسٹر کی مناسبت سے ستھرا پنجاب صفائی ٹیموں کی جانب سے شہر کو زیرو ویسٹ کر نے کیلئے عملہ متحرک اور خصوصی صفائی اقدامات کے تحت ایسٹر سے قبل شہر کے 263 چرچز کی صفائی دھلائی یقینی بنائی جا رہی ہے۔ترجمان کے مطابق81 کرسچن کالونیز میں صفائی ستھرائی کا عمل مکمل کر لیا گیا ہے،ایسٹر تقریبات کے پیشِ نظر ڈی جی ستھرا پنجاب اتھارٹی بابر صاحب دین کی ہدایت پر سیکرڈہارٹ، کیتھیڈرل، انار کلی، ڈون باسکو،نولکھا، سینٹ انتھونی چرچ سمیت شہر کے تمام بڑے گرجا گھروں کی واشنگ کی جا رہی ہے۔اسی طرح سینٹ اینڈریوز،سینٹ انتھونی،سینٹ جوزف، سینٹ میری ،لوہاری گیٹ چرچ کی واشنگ کیلئے بھی عملہ تعینات کیا گیا۔

یوحنا آباد، بیگم کوٹ، کرسچن پارک ونڈالا روڈ، چرچ محلہ سمیت دیگر مسیحی علاقوں میں زیرو ویسٹ آپریشن مکمل کرنے کے لیے بھی عملہ تعینات ہے۔سینٹ میری ،کچی آبادی ایف سی کالج،بہار کالونی، نجات پورہ بند روڈ،نجف کالونی، سادات کالونی، مریم کالونی،وسن پورہ،بلال ٹائون،کریم پارک کرسچن کالونی میں صفائی کے بہترین انتظامات یقینی بنائے جا رہے ہیں۔ڈی جی ستھرا پنجاب اتھارٹی بابر صاحب دین کا اس حوالے سے کہنا ہے کہ ایسٹر کے موقع پر صفائی مشینری فیلڈ میں متحرک رہے گی،شہریوں کوہرموقع اور تہوار پر صاف ستھرا ماحول فراہم کرنے کیلئے پر عزم ہیں،مسیحی برادری کی خوشیوں میں ان کے ساتھ ہیں۔شہریوں سے بھی گزارش ہے کہ اپنے ارد گرد کے ماحول کو صاف رکھنے کے لیے صفائی عملے کا ساتھ دیں۔