میانمار کے جنوبی ساحل کے قریب 5.3 شدت کا زلزلہ

ینگون۔18مئی (اے پی پی):میانمار کے جنوبی ساحل کے قریب پیر کی صبح 5.3 شدت کا زلزلہ ریکارڈ کیا گیا، جس کے جھٹکے ملک کے بڑے شہر ینگون میں بھی شدت سے محسوس کیے گئے۔شنہوا کے مطابق جرمن ریسرچ سینٹر فار جیو سائنسز نے بتایا کہ زلزلہ گرین وچ معیاری وقت کے مطابق صبح 2 بج کر 5 منٹ پر آیا۔ زلزلے کی گہرائی 10 کلومیٹر ریکارڈ کی گئی۔ادارے کے مطابق زلزلے کا مرکز 16.56 شمالی عرض البلد اور 96.40 مشرقی طول البلد پر واقع تھا۔تاحال کسی جانی یا مالی نقصان کی فوری اطلاعات موصول نہیں ہوئیں، تاہم حکام صورتحال کا جائزہ لے رہے ہیں۔