وانواتو جزائر میں 6.0 شدت کا زلزلہ

ہانگ کانگ ۔19مئی (اے پی پی):بحرالکاہل میں واقع وانواتو جزائر میں منگل کے روز 6.0 شدت کا زلزلہ ریکارڈ کیا گیا، جس کے باعث علاقے میں خوف و ہراس پھیل گیا۔ شنہوا کے مطابق جرمن ریسرچ سینٹر فار جیو سائنسز نے بتایا کہ زلزلے کے جھٹکے گرین وچ وقت کے مطابق صبح 2 بج کر 29 منٹ پر محسوس کیے گئے۔ادارے کے مطابق زلزلے کا مرکز زمین کی سطح سے 10 کلومیٹر گہرائی میں تھا، جبکہ اس کا مرکز 18.10 درجے جنوبی عرض البلد اور 168.08 درجے مشرقی طول البلد پر واقع تھا۔تاحال کسی جانی یا مالی نقصان کی فوری اطلاعات موصول نہیں ہوئیں، تاہم متعلقہ ادارے صورتحال کا جائزہ لے رہے ہیں۔