مئی میں چین کی مینوفیکچرنگ انڈسٹری کا مجموعی آپریشن مستحکم رہا، رپورٹ

بیجنگ۔31مئی (اے پی پی):مئی میں چین کا مینوفیکچرنگ پرچیزنگ منیجرز انڈیکس 50.0 فیصد رہا، جس سے ظاہر ہوتا ہے کہ مینوفیکچرنگ انڈسٹری کا مجموعی آپریشن مستحکم ہے۔ سی جی ٹی این نے چائنا فیڈریشن آف لاجسٹکس اینڈ پرچیزنگ کی جانب سے جاری اعداد و شمار کے حوالے سے بتایا کہ اہم ذیلی اشاریوں میں پیداواری اشاریہ 51.2 فیصد رہا جو مسلسل توسیع کی حد میں ہے اور یہ مسلسل تین ماہ تک 51 فیصد سے اوپر رہا، جس سے ظاہر ہوتا ہے کہ مینوفیکچرنگ انٹرپرائزز کی پیداواری سرگرمیوں میں مسلسل اضافہ ہورہا ہے۔